जाहिराती व बातमी साठी संपर्क:मुख्य संपादक:शाहाबाज शेख:९०११६०१८११
काळेपडळ पोलिसांची मोठी कामगिरी…
दोन अल्पवयीन मुलींना फुस लावून नेणाऱ्या दोन आरोपींना काळेपडळ पोलीसांनी राजस्थान येथून घेतले ताब्यात.
मार्शल मीडिया न्युज : पुणे ऑनलाइन:- काळेपडळ पोलीसांनी पुणे शहरातून आलेल्या तज्ज्ञ पथकाच्या सहकार्याने दोन अल्पवयीन मुलींना फसवून नेणाऱ्या दोन संशयितांना राजस्थान येथून जेरबंद केले आहे.
सदर प्रकरण काळेपडळ पोलीस ठाण्यात गुन्हा नोंद क्र. ४९०/२०२५ खाली बी. एन. एस कलम ६४, ६५(१), ६९, ७१, ९६, १३७(२), ३(५), तसेच पोक्सो कलम ४, ८, १२ नुसार नोंदवण्यात आले होते. या प्रकरणाची गंभीरता लक्षात घेता, पोलीसांनी तत्काळ तपास सुरु केला.
गुन्हा नोंद झाल्यानंतर संशयितांचा मोबाईल क्रमांक तांत्रिक विश्लेषणाद्वारे प्राप्त झाला. त्यानंतर पुणे पोलीस आयुक्त श्री अमितेश कुमार, अपर पोलीस आयुक्त श्री मनोज पाटील, श्री पंकज देशमुख आणि पोलीस उप-आयुक्त श्रीमती राजलक्ष्मी शिवणकर यांच्या मार्गदर्शनाखाली कालोपडळ पोलीस स्टेशनच्या सहा पोलीस निरीक्षकांचा पथक रवाना झाला.
पोलीस पथकाने गुजरात व राजस्थानमधील विविध ठिकाणांवरून सुमारे ३,३०० किलोमीटर प्रवास करत शोध घेतला. तपासात तांत्रिक विश्लेषणाचा वापर करून एक मुलगी राणी, राजस्थान येथून आणि दुसरी मुलगी पाली, राजस्थान येथून सुरक्षित मिळाली.
सुध्दि प्राप्त झाल्यानुसार, संशयित आरोपी सुरेशकुमार वडदाराम प्रजापती वय २१, व सुरेशकुमार मोहनलाल राणाभील वय ३१, हे दोघे राणी, राजस्थान येथील रहिवासी आहेत. दोन्ही संशयितांना जेरबंद करून पोलीसांनी पीडित मुलींची सुटका केली.
या कामगिरीबद्दल पुणे पोलीस आयुक्त, अपर पोलीस आयुक्त व सहाय्यक पोलीस आयुक्त यांच्या मार्गदर्शनाखाली काळेपडळ पोलीस स्टेशनचे वरिष्ठ पोलीस निरीक्षक आणि गुन्हे शाखेच्या पथकाचे विशेष कौतुक केले जात आहे.
पुण्यातील काळेपडळ पोलीस आणि संबंधित पोलीस पथकाच्या जलद आणि प्रभावी कारवाईमुळे ही गुन्हा प्रकरण लवकर उकलले असून, नागरिकांच्या सुरक्षिततेसाठी पोलीस सतत तत्पर असल्याचे दाखवते.
मुख्य:संपादक:शाहाबाज शेख
